Mèt z’n alle lekker in de polonaise

Tekst: G. Smeets

Muziek: Org: R. Wolleib & R. Bartolini (‘Das berühren mit den Pfoten’)

Album: Frans Croonenberg – ‘Es de nuuje daag begint’ – Marlstone Recordings bv – CDL 9751

Jaar: 1997

Vriedegs, dan gaon ich gaer op sjtap,
doesje en gauw mieng beursj gesjnap.
Mèt mieng vrung sjtaon ich ‘ns gaere aan de teek,
tref ich väöl bekinde van de veurige waek.
Same gaon veer de dansvloer op,
zètte de tent weer op de kop.
En de ganse bendse löp dan achterein,
veer zinge dit refrein:

Refrein:
Mèt z’n alle lekker in de polonaise, want dan kom veer oet de malaise.
Want geniete van ‘t weekend en ‘t laeve, dat dont veer toch zoe gaer.
Laote veer oes noe nog mèr ‘ns eine drinke, ich drink op ‘t geluk.
Mèt z’n alle lekker in de polonaise, nao väör en dan weer truk.

‘t Sjmondegs, es ich weer werke mot,
veul ich mich meug en bin ich kapot.
Mèh dao trek ich mich dan mer ‘ns nieks van aan.
Bie de baas doon ich ‘t dan gèt rustig aan.
Vriedegs, dan ies ‘t wèrk gedaon,
jao, dan wil ich weer sjtappe gaon.
Zègk de baas adieu en dan gaon ich nao heem.
Ich zing dan dit refrein: